Cookie teknikoak, pertsonalizaziokoak, analitikoak eta publizitatekoak erabiltzen ditugu, propioak eta hirugarrenenak, gure webgunearen erabilera aztertzeko eta zure nabigazioa eta publizitatea zure lehentasunetara egokitzeko, zure nabigazio-ohituretatik abiatuta egindako profil batean oinarrituta (adibidez, bisitatutako webguneak). Cookieak noiznahi kontsultatu eta konfiguratu ditzakezu; horretarako, sartu gure Cookien politika .

Ekainaren 5ean Ingurumenaren Mundu Eguna ospatzen da mundu osoan

• Kliniketako pazienteek, horien senideek eta profesionalek ez ezik, paziente pedriatikoek eta Igurco-ko bi egoitzetako adinekoek ere hartu dute parte. Horietako egoitza batek Bilboko hiri-ortu batean parte hartzen du gainera.
• Kliniketako pazienteek menu ekologikoa eta ‘zurrut berdeak’ –kiwi- eta sagar-zukuzkoak hosto berdeko barazkizkoak edo kuiatxozkoak– dastatu dituzte.
• Gainera, ospitale-esparruaren sarreran gorostiak landatu dira.
• Lehen aldiz, argazki-lehiaketa antolatu da IMQ-ko profesionalen artean, gogokoen dituzten eta zaindu beharreko naturako txokoen gainean.

Ekainaren 5ean mundu osoan Ingurumenaren Mundu Eguna ospatzen denez, Zorrotzaurre eta Virgen Blanca IMQ Klinikek eta IMQ Taldeko Igurco Servicios Sociosanitarios erakundeko bi foru-egoitzek, hainbat ekimen antolatu dituzte pazienteak, horien senideak eta profesionalak ingurumena zaintzeak duen garrantziaz jabearazteko. Ekimen horietan kliniketako paziente pediatrikoek eta egoitzetako adinekoek ere hartu dute parte.

Lehen aldiz, Zentroko Pazientearen Kalitate eta Segurtasuneko arduradun lsabel Urrutiak adierazi duenez, “argazki-lehiaketa antolatu dugu profesionalen artean, gogokoen dituzten eta zaindu beharreko naturako txokoen gainean. Jaso ditugun argazkien artean, hondartzak, portuak, itsaslabarrak, landa-inguruneak, basoak, egitura geologikoak, ibilguak, mendiak eta bidezidorrak agertzen dira, besteak beste”.

Lehen lehiaketaren argazki irabazlea Marian Regueirorena izan da: ilunsentia Sopelako (Bizkaia) kostaldean. Hala ere, epaimahaiak aipamen berezia egin dio IMQ Zorrotzaurre Klinikako leiho batean zegoen kaio baten lehen plano bati -atzealdean Bilbo eta San Mames estadioa agertzen dira-.

Umeak eta adinekoak

Aurten, era berean, beste talde batzuk ingurumenaz jabearazi nahi izan ditu IMQ-k, eta Zorrotzaurreko Pediatria Sailean ‘Koleztatu zure mundua’  izeneko jarduera antolatu da, umeek ingurumenaren gaineko marrazkiak kolorezta ditzaten.

Adinekoei dagokienez, Igurcok kudeatzen duen José M.ªAzkuna foru-egoitzan (Amorebieta), “lorategietan landatuta dituzten loreen argazkiak aurkeztu dituzte. Lore horiek egoitzan daudenek landatu eta zaintzen dituzte, aisia jarduera gisa”. Halaber, Igurco Bilbozar Zentro Gerontologikoan daudenek collagea aurkeztu dute lehiaketara, hain zuzen ere, Ingurumenaren Mundu Egunarekin loturiko jarduera den San Frantziskoko hiri-ortuko lanaren erakusgarri”.

Mundu ekologiko eta berdeagoa

IMQ-k, aurreko urteetan izandako arrakastaren ondoren, ‘menu ekologiko’ izenekoaren alde egin du. Izan ere, ospitaleko menuan nekazaritza eta abeltzaintza biologikoaren osagaiak sartu ditu, “paziente bakoitzaren beharren arabera”. Ekoizteko modu horrek baliabide naturalak lehenesten ditu eta ez du produktu kimiko sintetikorik edo pestizidarik erabiltzen, eta pazienteen menuan eskaini da.

IMQ Zorrotzaurre Klinikako kafetegian ‘pintxo berde’ gozoak dastatu dituzte, menu ekologikoaren filosofiaren arabera, baita ‘zurrut berdeak’ –kiwi- eta sagar-zukuzkoak– hosto berdeko barazkizkoak edo kuiatxozkoak– ere. Zurrut horiek “eguneroko jan-neurrian frutak eta barazkiak hartzea sustatzen dute eta, gainera, horien bidez, hidratazio egokia faboratzen da”.

Zuhaitzak landatzea eta sentsibilizazio-bideoa

IMQ-k Ingurumenaren Mundu Eguna dela eta abiarazi diren ekimenen artean, sentsibilizazio-bideo bat ere egin da, ingurumenaren zainketaren gainean eta IMQ Zorrotzaurre Klinikaren lorategiz hornitutako inguruan zuhaitzak landatzeko ekimenaren gainean.

Konpromisoa ingurumenarekin

IMQ Kliniken zuzendari ekonomiko Bingen Regúlezek gogorarazi duenez, “IMQ-k ingurumenarekin duen konpromisoa 2011n gauzatu zen, ISO 14001 ziurtagiria lortu zenean, ingurumena kudeatzeko sistema aurreratua ezarri baitzen. Halaber, IMQ-ko klinikek ISO 50001 ziurtagiria dute –nazioarteko araua, energiaren aldetik eraginkorrak diren kudeaketa-sistemak ziurtatzen dituena– eta Bilboko Udalak martxan jarri duen ‘Karbono gutxiko estrategia baterantz Bilbon’ programan parte hartu dute”. Hain zuzen, programa horren helburu nagusia Bizkaiko hiriburuan berotegi-gasen isuriak gutxitzea da.